Sunday January 21, 2018

Donate
News Feeds:

 

خىتاي مۇستەملىكىچىل ھاكىمىيىتىنىڭ ۋەتىنىمىز شەرقىي تۈركىستاندا يۈرگۈزىۋاتقان تالان-تارىجى ۋە خەلقىمىز ئۈستىدىكى زۇلۇمى2017-يىلى ئاشكارا ھالدا ئەڭ يۇقۇرى پەللىگە كۆتۈرىلدى. ۋەتەن ئىچىدىكى قېرىنداشلىرىمىز ئەركىن نەپەس ئېلىشقىمۇ يول قويۇلمايۋاتقان ئەھۋالدىمۇ يەنە ئۆزلىرىنىڭ ھاياتى بىلەن تاجاۋۇزچىلارغا قارشى تۇرىۋاتىدۇ.

ئۆزلىرى ئاپىرىدە بولغان ئانا تۇپراقنى ئىسسىق قانلىرى ئارقىلىق قوغداۋاتىدۇ! ۋەتەن سىرتىدىكى قېرىنداشلىرىمىز بولسا خىتاينىڭ ھەددىدىن ئاشقان زۇلمىغا ئۆزلىرىنىڭ غەزەپ-نەپرىتىنى ۋە قارشىلىقىنى ھەر خىل يول ۋە ئۇسۇللار بىلەن بىلدۈرۈشكە تىرىشىۋاتىدۇ.

 

شەرقىي تۈركىستان سۈرگۈن ھۆكۈمېتى ۋەتەنداشلارنى ئۆزلىرىنىڭ غەزەپ-نەپرىتىنى ۋە ۋەتەن سۆيگۈسىنى مۇستەقىللىقىمىز ئۈچۈن دەس تۇرۇش كۈچى قىلىشقا چاقىرىدۇ. شۇنداقلا، پۈتۈن يېزىلىۋاتقان ئەرز-مۇراجىئەتنامىلەرنىڭ ئەڭ بېشىدا "تاجاۋۇزچى خىتاي شەرقىي تۈركىستان زېمىنىدىن چىقىپ كەتسۇن"، "خىتاينىڭ مۇستەملىكە قىلىنغان زېمىنىمىزدا يۈرگۈزىۋاتقان تالان-تاراج ۋە ۋەھشىيلىكىنىڭ ئەمەلىي مىساللىرى" دېگەن سۆزلەرنىڭ بولۇشىنى تەلەپ قىلىدۇ.

 

ھەر بىرىمىزنىڭ مۇستەقىللىق روھىمىز ۋە شوئارىمىز خىتاي تاجاۋۇزچىلىرىنى زېمىنىمىزدىن قوغلاپ چىقىرىدىغان قولىمىزدىكى كۈچلۈك قورالىمىز، ۋەتىنىمىزنى ئوراپ تۇرغان خىتاي زۇلمىتىنى يارىدىغان يورۇقلۇق ۋە ھۆرلۈك تىغى! روھىمىزدىكى ئۇزاق مۇددەتلىك مۇستەملىكىچىلىك، خىتاينىڭ ئاسارىتى قاپلىۋالغان قورقۇنچ ۋە بىخۇتلۇقنى كۆيدۈرۈپ كۈل قىلىۋېتىدىغان ئاتەش! خىتاي ئۆزىنىڭ مۇستەملىكىچىل ھاكىمىيىتىنى بىتچىت قىلىدىغان بۇ ئەجەللىك قورالدىن قورقىدۇ، شۇڭلاشقا خەلقىمىزنى بۇ تىغ، بۇ قورالنى قولىغا ئالمىسۇن دەپ ئىتتىپاقسىزلىققا يېتەكلەۋاتىدۇ. شۇنداقلا ماھىيەتتىن چەتنەيدىغان كۆز بويامچىلىقىنى ئىشقا سېلىپ، ئومۇملۇقنى ئەمەس، قىسمەنلىكنى كۆرىدىغان قىلىپ يېتەكلەۋاتىدۇ.

 

شەرقىي تۈركىستان سۈرگۈن ھۆكۈمېتى پۈتكۈل شەرقىي تۈركىستانلىق قېرىنداشلارنى بىر نىيەت، بىر مەقسەتتە خىتاي تاجاۋۇزچىلىرىنى زېمىنىمىزدىن قوغلاپ چىقىرىش، زۇلۇم ئاستىدىكى خەلقىمىزنى ھۆرلۈككە ئېرىشتۈرۈش ئۈچۈن مۇستەقىللىق ئىرادىسىدىن ئىبارەت بۇ قورالنى قوللىرىغا ئېلىشقا، مۇستەقىللىق ئۈچۈن دەس تۇرۇشقا چاقىرىدۇ!

شەرقىي تۈركىستان سۈرگۈن ھۆكۈمېتى

 

 

Hits: 10733
Copyright © 2018. East Turkistan Government-in-Exile. Designed by